السلام عليكم ورحمة الله وبركاتة النهارده ان شاء الله هنعمل الحواوشي الى بالعجين بطريقة سهلة جدا هنعمله زى الى بيتباع بره بالظبط اهوه زى ما انتو شايفين
المقادير
تعالو بقى نشوف هنعمله ازاى اول حاجه هنعمل العجينة هحتاج كيله ونص دقيق حسب بقى الكمية الى هنعمله وهنحتاج كيس خميره وهنعجن بمياه الحواوشى مش بيتعجن باللبن لما بنعجنه باللبن بيبقى طعمه حاجه تانية خالص مبيبقاش حواوشى اصلان وهنحتاج كمان معلقة سكر كبير ونبدأ نعجنهم مع بعض ونعجن لغاية اما تبقى معانا كده عجينة طريه والملح مننسهوش الملح هنحطه فى الاخر بعد ما نعجن العجينة خالص عشان لما نحط الملح فى الاول الخميره بتبوظ
بعد ما لمت معايا العجينة كده هخدها على الرخامه واعجن فيها شوية بتاع خمس دقائق ومننساش نحط الملح عليها ونحطها بقى عشان تخمر علبال كده ما اقطع البصل واجهز اللحمه تكون خمرت البهارات بقى عندى معلقة فلفل اسود وملعقة كبيره بهارات مشكلة ومعلقة كبيرة ملح
تعليقات
إرسال تعليق